Осиё Кубоги. Кагава мухлислардан кечирим сўради

Хабарингиз бор, Осиё Кубогининг чорак финалида Япония ва БАА ўзаро кураш олиб борди ва 1:1 натижаси қайд этилган ўйиннинг пенальтилар сериясида БАА ғалаба қозонди. Ўйиндан кейинги "лотереялар баҳси"да япониялик Шинжи Кагава пенальтини аниқ амалга ошира олмади. Шундай қилиб Япония терма жамоаси охирги тўртта қитъа чемпионатида биринчи бор чорак финалдан ортга қайтадиган бўлди.

"Натижа ҳаммасини айтиб турибди, - дейди Кагава. - Биз ғалаба қозона олмадик. Қолаверса, пенальтини нотўғри амалга оширдим. Бунинг учун мухлисларимиздан кечирим сўрайман. Биз яна финалга чиқиб ғолиб бўлишни мақсад қилгандик, аммо БААга ютқазиб қўйдик. Пенальти тепишдан толдин гол уришимга ишонгандим, лекин зарба нотўғри чиқди. Мен яна бир марта ҳаммадан кечирим сўрайман".