Тожикистон чемпионати. "Хўжанд" илк турда ЦСКАни мағлуб этди, Сидоровдан гол
08 апр 2020 18:05
Янгиликлар

Тожикистон чемпионати. "Хўжанд" илк турда ЦСКАни мағлуб этди, Сидоровдан гол

Айни пайтда коронавирус сабаб кўплаб мамлакатларда футбол бўйича ички чемпионат баҳслари тўхтатилган.

Бироқ, қўшни мамлакат Тожикистонда Олий лига ўйинлари давом этмоқда. Ҳамюртларимиз Маъмур Икромов, Сирож Ҳамроев, Санжар Рихсибоев, Андрей Сидоровлар тўп тепаётган “Хўжанд” жамоаси бугун биринчи тур доирасида Помирнинг ЦСКА клуби меҳмони бўлди. Бунгача икки томон ўзаро 27 маротаба тўқнаш келишган, ўзаро учрашувларда эса тўққиз бор дуранг, ғалаба ва мағлубият қайд этилганди. Бугунги ўйин “Хўжанд” учун помирликлар устидан қозонилган 10 ғалаба ҳисобланади. Мана шу беллашувларда Жаҳонгир Эргашев тўртта тўп киритиб тўпурар бўлиб турибди.

Тожикистон чемпионати. Олий лига, 1-тур.

08.04.2020

ЦСКА (Помир) – “Хўжанд” 1:3

Душанбе. ЦСКА стадиони.

Бош ҳакам: Абдулло Давлатов

Гол: Андрей Сидоров, 45 (0:1). Хуршед Бекназаров, 63 (0:2). Шодибек Гаффоров,76 (1:2). Манучехр Ахмедов, 90+2 – пенальтидан (1:3).

“Хўжанд”: Маъмур Икромов, Манучехр Сафаров,Комрон Мирзанажод, Ойбек Абдуғаффоров, Фатхулло Фатхуллоев, Хуршед Бекназаров, Сирож Ҳамроев, Фирдавс Чакалов, Санжар Рихсибоев, Андрей Сидоров, Абдулмўмин Забиров.