“Оқ-тепа”. Жамоамиз 14 ноябрдан машғулотларни бошлайди

7 ноябрь куни Ўзбекистон Биринчилигидаги иштирокини “Хоразм”га қарши сафардаги ўйин билан якунлаган жамоамиз бир ҳафталик танаффусга чиқди.

Хабарингиз бор, мавсумни иккинчи ўринда якунлаган “Оқ-тепа” олий лигада 15-поғонадан жой олган жамоа билан ўтиш ўйинида олий лига йўлланмаси учун кураш олиб боради. ПФЛ ҳозирча мазкур учрашувни қачон ва қаерда ўтказилишига ойдинлик киритгани йўқ. Шундай бўлса-да, жамоамиз мазкур ўйинга жиддий ҳозирлик кўришни мақсад қилган. 

Ҳозирги режага кўра, жамоамиз 14 ноябрдан ўтиш ўйинига тайёргарликни бошлайди. Ўтиш учрашувининг санаси маълум бўлгач, вазиятга қараб ўртоқлик ўйини ҳам ўтказилиши режалаштирилган.