Олмалиқда туғилган ва Ўзбекистонга ташриф буюришни хоҳлаётган футболчи “Штутгарт”га ўтди

Бизга маълум бўлишича, 24 ёшли ҳимоячи билан келишув 2024 йилнинг ёзигача мўлжалланган. Трансфер суммаси эса 4 млн еврога баҳоланмоқда. 

Ўтган йили эса “Майнц” Вальдемарга 10 млн евро таклиф қилган, аммо ганноверликлар 12 млн талаб қилди ва охир-оқибатда коронавирус келишувга таъсир ўтказди. Трансфер бозоридаги нархлар тушди, Клуб футболчи учун “Штутгарт”дан 6 млн евро сўради, аммо якунда трансфер 4 млн.га амалга ошди.

У ўтган мавсум Бундеслига 2'да 30 ўйинда қатнашиб, 1 та самарали узатмани ўз ҳисобига ёздирганди.

Вальдемар Олмалиқда таввалуд топган. Яқинда эса немис журналистлари Антон Вальдемардан қайси давлатга ташриф буюришни исташини сўрашганида, у ўз ватани Ўзбекистонга, дея жавоб қайтаргани маълум бўлди.