Олий лига. Иккинчи даврада ғалаба қозонмаган учта жамоа қолди

Бўлиб ўтган ўйинлардан сўнг элитада учта жамоа ҳозирча ғалаба нашидасини сургани йўқ. Булар - "Пахтакор", "Олмалиқ" ва "Машъал". 

ПАХТАКОР

Амалдаги чемпион "Пахтакор" тўртта ўйиндан учтасини сафарда ўтказди, бир марта ўз майдонида тўп тепди. Жамоа икки бор дуранг қайд этган бўлса, икки марта ютқазиб қўйди. 

Олий лигадаги ўрни: 7-ўрин (Жами 29 очко, иккинчи даврада 2 очко).

Иккинчи даврадаги ўинлари: 

"Андижон" - "Пахтакор" 1:0

"Қўқонғ1912" - "Пахтакор" 1:1

"Пахтакор" - "Бухоро" 1:1

"Насаф" - "Пахтакор" 2:1

"Пахтакор" охирги тўртта ўйинда 3та гол уриб, ўз дарвозасидан 5та тўп ўтказиб юборди.

ОЛМАЛИҚ

"Олмалиқ" биринчи даврани кетма-кет учта мағлубият билан бошлаганди. Иккинчи даврани эса қаторасига тўртта мағлубият билан қарши олди. Тўғриси, Шквирин шогирдларидан бундай натижани ҳеч ким кутмаган бўлса керак. 

Олий лигадаги: 9-ўрин (Жами 21 очко, иккинчи даврада 0 очко).

Иккинчи даврадаги ўйинлари: 

"Олмалиқ" - "Бухоро" 0:1

"Насаф" - "Олмалиқ" 2:1

"Олмалиқ" - "Қизимлқум" 2:3

"Металлург" - "Олмалиқ" 4:2

"Олмалиқ" ўтган тўрт учрашувда 5та гол уриб, ўз дарвозасидан 10та тўп ўтказиб юборди. Қизиғи шундаки, "Олмалиқ" 16-турда битта, 17-турда иккита, 18-турда учта, 19-турда эса тўртта гол ўтказиб юборди.

МАШЪАЛ

"Машъал" иккинчи даврада бўлиб ўтган тўртта ўйиндан учтасида мағлуб бўлди ва бир бор дуранг ўйнади. Жамоа биринчи давранинг охирги уч учрашувини ғалаба билан якунлаганди. Демак, ёзги танаффусда муборакликлар тонусдан чиқиб кетишган кўринади. 

Олий лигадаги ўрни: 12-ўрин (Жами 20 очко, иккинчи даврада 1 очко). 

Иккинчи даврадаги ўйинлари: 

"Машъал" - "Қизилқум" 0:1

"Металлург" - "Машъал" 6:0

"Машъал" - "Бунёдкор" 1:1

"Навбаҳор" - "Машъал" 3:2

"Машъал" охирги тўртта учрашувда 3та гол уриб, ўз дарвозасидан 11та тўп ўтказиб юборди.