Олий лига. Бешта ўйиндан бери ғалаба қозона олмаётган жамоа "Сўғдиёна"ни қабул қилади

Олий лига, 14-тур. 26 июнь
НАСАФ - СЎҒДИЁНА

Бош ҳакам: Зокир Қодиров
Бошланиш вақти: 20:00

Жадвалдаги ўрни: "Насаф" 4-ўринда (25 очко), "Сўғдиёна" 12-ўринда (15 очко)
Очколар орасидаги фарқ - 10 очко

Таъриф:  Охирги пайтларда ғалаба қозона олмаётган "Насаф" бу сафар "Сўғдиёна"ни мағлуб этишга уриниб кўради. Албатта, имкониятлар борасида "Насаф" фаворит, аммо "Сўғдиёна" ҳам бўш келмаса керак. Ҳар ҳолда жиззахлик футболчиларга ҳам очко жуда зарур.

Факт: "Насаф" қаторасига бешта ўйиндан бери ғалаба қозона олмай келмоқда. Рўзиқул Бердиев шогирдлари охирги марта 8-турда ғалаба нашидасини суришган. "Насаф" охирги бешта учрашувнинг иккитасида мағлубиятга учраб, уч марта дуранг қайд этди. "Сўғдиёна" эса ҳозирча сафардаги баҳсларда 7 очкони қўлга киритган. Жамоа икки бор зафар қучиб, бир марта дуранг ўйнади.

Эслатма: Кеча бўлиб ўтган "Насаф" - "Сўғдиёна" (Ёшлар лигаси) баҳсида қаршиликлар 3:1 ҳисобида зафар қучишди.