Олий лига-2016. "Обод" 270 дақиқа давомида гол ура олмади

Ташкил топганига 3 йил бўлган клуб қисқа вақт ичида иккинчи лигадан олий лигага чиқа олди. Бу йилги мавсумни Қўқонда бошлаган жамоа "Қўқон-1912"га 0:1 ҳисобида ютқазиб қўйганди. 2-турда ўз майдонида "Бухоро" билан очколарни бўлишиб олганди - 0:0. Бугун эса Қаршида "Насаф"га имконият бой берилди - 0:1. Шундай қилиб, "Обод" 270 дақиқа давомида рақиблари дарвозасига гол ура олмади. Клуб бу мавсумда ҳозирча рақиб дарвозасига гол урмаган ягона жамоа бўлиб турибди.

Қизиғи жамоа бу мавсум Ўзбекистон кубогида иккита ўйин ўтказиб жами 7та гол урди. "Оқ-тепа" 5:0 ҳисобида таслим қилинди, "Бунёдкор" билан 2:2 ҳисобида дуранг ўйналди.

Маълумот учун, "Обод" 4-турни 9 апрель куни ўз уйида "Қизилқум" клубига қарши ўтказади.