Олий лига-2013. Голлар сони кўпайди, томошабинлар эса...
09 ноя 2013 11:20
Янгиликлар

Олий лига-2013. Голлар сони кўпайди, томошабинлар эса...

Кеча Ўзбекистонда футбол бўйича навбатдаги миллий чемпионат ўз якунига етди.

Тошкентнинг "Бунёдкор" клуби ўз тарихида бешинчи марта Ўзбекистон чемпиони номига сазовор бўлди. "Локомотив" биринчи бор кумуш медалларга эга чиққан бўлса. "Насаф" мавсумни учинчи ўринда тугатди.

"Гулистон" ва "Шўртан" клублари олий лигани тарк этишди.

Биз эътиборингизга охирги 10та чемпионатнинг асосий кўрсаткичларини тақдим этмоқчимиз.

2009 йилда олий лиганинг ҳар бир ўйинига ўртача 7000дан зиёд томошабин ташриф буюрган. Бу йил эса бу кўрсаткич атига 4241ни ташкил қилди. Ўтган йилга нисбатан умумий томошабинлар сони 1,27 марта камайди.

Қизиғи, томошабинлар сони камайиб бораётган бир вақтда голлар сони ортиб бормоқда. Охирги 10 йилликни олиб қарасак бу йилги чемпионатдаги ўртача голлар сони учинчи ўринда қайд этилади. Фақат 2004 (ҳар бир ўйинга 3,18тадан гол) ва 2006 йилларда (3,03) кўрсаткичлар баландроқ бўлган холос.

Қуйида сўнгги 10 йилликдаги статистика билан танишиб олинг:

Йил	Жами томошабин	Ўртача томошабин	Жами учрашувлар	Жами голлар	Ўртача голлар
2004	993 000	5486	182	579	3,18
2005	1 061 950	5835	182	543	2,98
2006	1 220 578	5086	240	727	3,03
2007	1 231 200	5130	240	682	2,84
2008	1 354 193	6425	240	571	2,38
2009	1 755 317	7314	240	672	2,80
2010	1 270 191	6979	182	424	2,33
2011	1 272 366	6991	182	452	2,48
2012	987 138	5424	182	460	2,53
2013	771840	4241	182	544	2,99