UZ

Сўнгги янгиликлар

17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  2 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  7 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1

ОКМК футболчиси хатолик туфайли майдондан четлатилмади, "Навбаҳор" эса қоида бузилиши орқали гол урди. Суперлиганинг 5-туридаги ҳакамлик фаолияти таҳлили Янгиликлар

ОКМК футболчиси хатолик туфайли майдондан четлатилмади, "Навбаҳор" эса қоида бузилиши орқали гол урди. Суперлиганинг 5-туридаги ҳакамлик фаолияти таҳлили

Championat.asia сайтининг ҳакамлик фаолияти бўйича эксперти, россиялик собиқ ҳакам Анатолий Синяев ("Алё, рэф" Телеграм канали муаллифи) Суперлиганинг 5-тури ўйинларидаги баҳсли вазиятларни таҳлил қилди.

 "Машъал" - "Нефтчи"

Бу ерда дарвозабонга тўсқинлик қилиш ҳолатини кўрмаяпман. "Нефтчи" ўйинчиси "Машъал" дарвозабонига нисбатан ҳеч қандай таъсир кучига эга хатти-ҳаракат амалга оширмади. Гол тўғри ҳисобга олинди.

ВИДЕО


"Навбаҳор" - "Шўртан"

Ҳакамнинг ўйинни давом эттириш қарорини қўллаб-қувватлайман. "Шўртан" жамоаси ўйинчиси "Навбаҳор" футболчиси тўпни тепмоқчи бўлган пайтда чап оёғини ёнга чўзди. Ҳужумчи контактнинг ташаббускори бўлган бундай ҳолатларда "ўйинни давом эттириш" қарори сифатида баҳоланиши керак. ВАР бу вазиятга аралашмайди, чунки бу ҳолат унинг учун "ноаниқ" зона ҳисобланади.

ВИДЕО


 "Навбаҳор" - "Шўртан"

Тушунтиришга осон ҳолат: "Шўртан" ҳимоячисининг ўнг қўли танасига тик ҳолатда турибди. Қўл тана майдонини кенгайтирмоқда, бу қоида бузилиши ҳисобланади. ВАР вазиятга тўғри аралашди.

ВИДЕО


"Қўқон-1912" - "Бухоро"

Назаримда, бу "чегарадош" ҳолат ҳисобланади. Бир томондан, "Қўқон-1912" ўйинчисига қизил карточка беришнинг барча мезонлари мавжуд: атайин сакраш, оёқни чўзиш, бутсанинг таг қисмидан фойдаланиш ва тезлик. Айни пайтда, у сакрагандан сўнг оёғини букиб, тўқнашувни юмшатишга уринганини ҳам айтиш мумкин. Шунга қарамай, зарба кучи юқори эди, шу боис ҳакам "Қўқон-1912" ўйинчисини майдондан четлатиш учун етарли асосга эга эди. ВАРнинг аралашуви тўғри бўлди.

ВИДЕО

 

"Динамо" - "Сўғдиёна"

Ҳакамнинг "Динамо" ўйинчисига сариқ карточка кўрсатмаслик қарорини маъқуллайман. Дастлаб, иккала футболчи ҳам тўпга қараб турган эди. "Динамо" ўйинчиси гавдасини йиғиб, оёғини тортиб олди. Бу ҳолатда кучли таъсир ёки тезликда мақсадли сакраш кузатилмади. 

ВИДЕО


✅ "Динамо" - "Сўғдиёна"

Офсайд чизиқлари бўлмаган ҳолда, бу ерда фақат ҳакамнинг қарорини қўллаб-қувватлашдан бошқа илож йўқ. Менимча, кўз билан кўрганим ва тажрибамга асосланиб, барибир офсайд ҳолати юз берган. "Сўғдиёна" ўйинчиси тахминан бир гавда узунлигида ҳимоячига нисбатан дарвозага яқинроқ жойлашган эди.

ВИДЕО

 

"Бунёдкор" - "Қизилқум"

Ҳакамнинг нима учун айнан шундай чора кўрганини тушуниш қийин. Можаронинг бошланиши кўринмаса-да, тахмин қилишимча, "Бунёдкор" ўйинчисига рақибга нисбатан ҳақоратли сўзлар ишлатгани учун қизил карточка кўрчатилган. "Қизилқум" футболчисига эса ушбу низода қатнашгани учун сариқ карточка кўрсатилган.

ВИДЕО


❌ "Хоразм" - ОКМК

Менимча, бу ҳолатда ОКМК ҳимоячисига қизил карточка кўрсатилиши лозим эди. Рақибни гол уришдан маҳрум қилган қўл билан ўйнаш ҳолати юз берди. Ҳимоячи қўлини тўпга қарата чўзган. ВАР эса, назаримда, вазиятга нотўғри аралашди.

ВИДЕО


✅❌ "Насаф" - "Сурхон"

Умуман олганда, ҳакам "Насаф" ўйинчисини майдондан четлатиб, тўғри қарор қабул қилди. Қўл билан гарданга зарба берилгани учун бундан бошқа жазо бўлиши мумкин эмас. Фақат дастлаб қўпол тарзда тўп тортиб олишга уринган ва рақиб билан тўқнашувни бошлаган "Сурхон" ўйинчисига нима учун сариқ карточка кўрсатилмагани тушунарсиз ҳолат бўлиб қолди.

ВИДЕО


Шу тариқа, ҳакамлар иккита хатога йўл қўйишди. Ўйин шарҳларига кирмай қолган қўшимча лавҳаларни Телеграм каналимизда эълон қилдик.


"Хоразм" - ОКМК

Майдондаги чизиқлардан кўриниб турибдики, ҳужумнинг дастлабки босқичида ўйиндан ташқари ҳолат мавжуд эмас. Кейинги ҳаракатда ҳам қоидабузарлик йўқ – иккала ўйинчи тўп учун тенг курашмоқда. Ҳакам ёрдамчисининг байроқчани кўтаргани тушунарсиз. На офсайд, на қоида бузилиши содир этилган.

ВИДЕО


"Навбаҳор" - "Шўртан"

Менинг фикримча, бу вазиятда 11 метрли жарима зарбаси белгиланиши лозим. "Навбаҳор" футболчисининг қўли танасидан ғайритабиий ҳолатда узоқлашган.

ВИДЕО


"Навбаҳор" - "Нефтчи" (4-тур ўйини)

Бу, шубҳасиз, хатолик. Шунчаки хатолик эмас, балки жиддий хатолик ҳисобланади. Афсуски, ВАР бундай ҳолатларда аралаша олмайди.

ВИДЕО

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика