ОК-2019. "Самурайлар"ни ярим финалга олиб чиққан ўйин "Championat.asia" обьективида
25 янв 2019 11:50
Янгиликлар

ОК-2019. "Самурайлар"ни ярим финалга олиб чиққан ўйин "Championat.asia" обьективида

Кеча Осиё кубоги-2019 чорак финал беллашувларига старт берилди.

1/4 финалнинг дастлабки қарама-қаршилигида Ўзбекистон билан бир гуруҳдан ўрин олган Япония терма жамоаси Вьетнамни катта қийинчилик билан мағлуб этди.

Осиё Кубоги-2019. Япония VAR сабабли ярим финалда, Вьетнамга эса шунчаки қойил

"Ал Мактум" стадионида ўтган ана шу учрашувдан суратларни сайтимизнинг махсус бўлими орқали томоша қилишингиз мумкин. >>> ФОТОГАЛЕРЕЯ

Толибжон Қосимов
Дубай, БАА

Ўйиндан олдин вьетнамлик мухлисларнинг кайфиятлари аъло эди.

Учрашувни Марокаш терма жамоаси бош мураббийи Эрве Ренар бевосита "Ал Мактум" стадионидан кузатиб борди.

Чапда ОК-2019 мусобақаси директори, ҳамюртимиз Аваз Бердиқулов.

ОФК президенти Шайх Салмон (юқорида ўртада) учрашувни Япония футбол Федерацияси президенти Ташима Козо (юқорида чапда) билан бирга кузатиб борди.

Тўп билан бугунги Япония терма жамоасининг "мияси" Гаку Шибасаки.

Бу эса Вьетнам терма жамоасининг Россияда туғилган дарвозабони Данг Ван Лам (асл исми Данг Лев Шонович). У билан уюштирилган суҳбатимизни кеча чоп этган эдик.

Кеча Осиё кубоклари тарихида биринчи маротаба VAR тизими ишлади. Учрашув давомида аввалига японларнинг голи айнан VAR сабаб бекор қилинди, тўп қўл билан ўйналгани учун. Кейин эса назардан четда қолган қўполликни VAR аниқлаб берди ва пенальти белгиланди.