ОФК Кубоги-2021. "Насаф" ва "Олтин Аср" бугун қайси либосларда ўйнаши маълум
20 май 2021 08:01
Янгиликлар

ОФК Кубоги-2021. "Насаф" ва "Олтин Аср" бугун қайси либосларда ўйнаши маълум

Айни пайтда Тожикистон пойтахти Душанбеда ОФК Кубоги-2021 "F" гуруҳи учрашувлари бўлиб ўтмоқда.

Бугун 3-тур беллашувлари ўтказилади. Қаршининг "Насаф" жамоаси Туркманистон шарафини ҳимоя қилаётган "Олтин Аср"га қарши баҳс олиб боради.

Бугунги ўйинни томонлар қандай рангдаги либосларда ўтказишлари маълум бўлди. Унга кўра, бугун расмий мезбон ҳисобланган Насаф" ўйинчилари тўлиқ тўқ кўк (форма, шорт, гедра, худди аввалги турлардаги каби) либосда, дарвозабон эса сариқ рангли формада майдонга тушади.

Туркманистонликлар эса оқ либосларда майдонда ҳаракат қилишади. Жамоа дарвозабони қора рангли кийимда майдонга тушиши белгилаб қўйилган.

Эслатиб ўтамиз, "Насаф" - "Олтин Аср" баҳси бугун соат 17:00да старт олади. Ўйин Душанбедаги "Республика марказий стадиони"да ўтказилади.