ЎФФ президенти “Насаф”ни табриклади
12 ноя 2013 11:08
Янгиликлар

ЎФФ президенти “Насаф”ни табриклади

Ўзбекистон Футбол Федерацияси президенти Мираброр Усмонов 2013 йилги мавсумда Олий лигада бронза медалга сазовор бўлган “Насаф” футбол клуби жамоасини муборакбод этди.

Табрик мактубида жумладан шундай дейилади:

“Ўзбекистон Олий лигасида чемпионлик учун кураш 2013 йилда аввалги йилларга қараганда янада шиддатлироқ, янада қизиқарлироқ ўтди. Жамоаларнинг савияси ошиб бораётганлиги натижасида чемпионлик пойгаси охирги турларгача ҳаяжонли давом этди. Ушбу мусобақада Тошкент клубларига катта рақобат туғдирган “Насаф” футбол клуби мусобақа якунларига кўра, учинчи ўринни эгаллаб, бронза медалларини қўлга киритди.

Умид қиламанки, “Насаф” жамоаси 2014 йилги мавсумда Олий лига чемпионлиги учун янада кескин кураш олиб боради ва Қашқадарё вилояти ишқибозларини ниҳоят олтин медаллар ва чемпионлик унвони билан хурсанд қилади. Бунинг учун клубда салоҳият ҳам, имконият ҳам, шароитлар ҳам етарли.

Бронза медаллари муборак бўлсин!

Ўзбекистон Футбол Федерацияси президенти М.З.Усмонов.

Ҳавола :

Манба : fcnasaf.uz

Янгиликларни Телеграмда ўқинг!

Рейтинг: