ЎФА техник директори Тренерлик конвенцияси бўйича ОФКнинг махсус текширув комиссияси таркибига киритилди
17 окт 2019 12:06
Янгиликлар

ЎФА техник директори Тренерлик конвенцияси бўйича ОФКнинг махсус текширув комиссияси таркибига киритилди

Биласиз, Ўзбекистон футбол ассоциацияси томонидан мунтазам равишда тренерлар тайёрлаш ва уларнинг малакасини ошириш бўйича ОФКнинг махсус курслари ўтказиб келинади.

Бу борада олиб борилаётган ишлар самараси ўлароқ Ўзбекистон футбол ассоциацияси техник директори Шовкат Имамов қитъа футбол уюшмасининг Тренерлик конвенцияси бўйича махсус текширув комиссияси таркибига киритилди.

Айни кунларда мазкур конвенция бўйича махсус текширув комиссияси Кувайтда бўлиб турибди ва Кувайт футбол федерацияси томонидан ўтказиладиган тренерлар таълими бўйича курслар, бу борада олиб борилаётган иш жараёни текшириб, баҳоланмоқда.