ЎФА Беларусь билан баҳс бўлишини тасдиқлади
07 дек 2019 16:25
Янгиликлар

ЎФА Беларусь билан баҳс бўлишини тасдиқлади

Кеча, 6 декабрь куни Беларусь терма жамоаси Ўзбекистон билан ўртоқлик ўйини ўтказиши эълон қилинган эди.

Беларусь терма жамоаси матбуот хизмати баёнотига кўра, ушбу баҳс 2020 йилнинг 23 февраль куни Дубайда бўлиб ўтади.

Ўзбекистон футбол ассоциацияси ушбу маълумотни тасдиқлади.

"Хабарингиз бор, Жаҳон чемпионати-2022 саралаши иккинчи босқичи “D” гуруҳида Ўзбекистон миллий терма жамоаси 5 та учрашувдан сўнг 9 очко жамғарган ҳолда мусобақа жадвалининг 1-поғонасини эгаллаб турибди.

2020 йилда бош жамоамизни мазкур саралаш босқичи доирасидаги 3 та жуда муҳим ўйин кутиб турибди. Навбатдаги учрашувда Вадим Абрамов шогирдлари 31 март куни Яман меҳмони бўлишади.

Ушбу учрашувга жиддий тайёргарлик олиб бориш мақсадида терма жамоамиз феврал ойида БААда йиғин ўтказади. Мазкур йиғин доирасида Беларусь терма жамоаси билан учрашув ўтказиш режалаштирилган. Ўйин 23 феврал куни Дубайда ташкил этилиши кутилмоқда" - дейилади ЎФА берган хабарда.

Ҳавола :

Манба : Championat.asia

Янгиликларни Телеграмда ўқинг!

Рейтинг: +16