ОЧЛ. Бугун 5-тур ўйинлари старт олади

Эътиборимиз биринчи навбатда "Пахтакор" иштирокидаги баҳсга қаратилади. Бугун "Пахтакор" ўз майдонида ўтган йилги ОЧЛ финалчиси "Персеполис"ни қабул қилади. "Пахтакор" марказий стадионида жуда қизиқарли беллашув кечиши ктуилмоқда. 

"Пахтакор" гуруҳидаги иккинчи учрашув Доҳадаги "Жассим бин Ҳамад" стадионида "Ал Садд" ва "Ал Аҳли" клублари ўртасида бўлиб ўтади. Гуруҳдан чиқиш учун учта жамоада имконият бор: "Ал Садд", "Ал Аҳли" ва "Пахтакор". "Пахтакор" 5 очко билан учинчи ўринни эгаллаб турибди ва бугунги беллашув жамоа учун ўта муҳим аҳамият касб этади. 

"Персеполис" Эроннинг амалдаги чемпиони ҳамда Осиё чемпионлар лигаси ўтган йилги финалчиси ҳисобланади. Лекин бу жамоа ушбу мавсум ОЧЛда яхши иштирок эта олмаяпти. "Персеполис" 4 очко билан гуруҳда охирги ўринда боряпти. Аммо уларда ҳам имконият бор, фақат бошқаларга нисбатан яхши эмас. 

ОЧЛ. "D" гуруҳи 

5-тур. 6 май 

18:00. "Пахтакор" - "Персеполис"

23:45. "Ал Садд" - "Ал Аҳли"

Бугун шунингдек, "ўлим гуруҳи" дея ном олган "С" гуруҳида ҳам 5-тур баҳслари бўлиб ўтади. "Истиқлол" муҳташам "Озоди" стадионида Қатарнинг "Ал Дуҳайл" клубини қилса, "Ал Ҳилол" Ар Риёдда "Ал Айн" билан беллашади. Гуруҳда "Ал Ҳилол" 9 очко билан пешқадамлик қилмоқда. "Ал Айн" эса атиги икки очко тўплаб охирги ўринда боряпти. Бу гуруҳда ҳам кейинги босқичга чиқиш учун учта жамоада имконият бор. 

ОЧЛ. "C" гуруҳи 

5-тур. 6 май 

21:00. "Истиқлол" - "Ал Дуҳайл"

00:00. "Ал Ҳилол" - "Ал Айн"