“Нурафшон”нинг тақдири нима бўлади?

Тошкентнинг “НБУ-Осиё” клуби ўз уйида Бухоронинг “Нурафшон” жамоасини қабул қилиш керак эди. Аммо “Нурафшон” жамоаси тур учрашувини ўтказиш учун номаълум сабабга кўра Тошкентга келмади.

Барчани бирдек бир савол ўйлантириши мумкин. “Нурафшон” футболчилари нима учун Тошкентга келмади? ПФЛ бунга қандай чора кўради? Вилоят ҳокими бундан хабари борми? 

Сафардаги қолган учрашувларга ҳам бухороликлар бормаслигига ким кафолат беради? Саволлар кўп лекин клубдаги ички муҳит қай даражада эканлигини ҳеч билмаймиз. Балки Тошкентга ташриф буюриш учун уларнинг молиявий томондан имконияти бўлмагандур. Агарда ҳамма нарса бориб молиявий томонга тақалса, жамоа сафар учрашувларига бора олмаса, ПФЛ бунга қандай қарайди? 

Бундан 2-3 йил олдин Тошкент “Оқ-Тепа” жамоаси сафар учрашувларига бормай, фақат уй учрашувлари ўтказганди. Якунда ушбу жамоа биринчи лигани тарк этганди. “Нурафшон”нинг тақдири нима бўлади? 

Жаҳонгир Сотволдиев