Журналист Николо Скиранинг хабарига кўра, 47 ёшли португалиялик "кўклар" билан 3 йиллик шартнома имзолайди. Клуб тез орада Нунунинг тайинланганини эълон қилади.
Нуну Эшпириту Санту 21 майда "Вулверхэмптон" бош мураббийлигидан кетган эди. Португалиялик клубда 2017 йилдан бери ишлаётганди.
"Эвертон" 2020/21 йилги мавсум сўнггида 10-ўринни эгаллади ва еврокубокларга йўлланма ола билмади. Бош мураббий Карло Анчелотти эса инглиз клубидан кетди ва "Реал" устозига айланди.
