Нойер: "Германия таркибида бошқа ўйнамайман. Бу онгли қарор эди"

"Биринчидан, мени ҳеч ким таклиф қилгани йўқ. Бу менинг онгли қарорим эди - терма жамоада бошқа ўйнамаслик ва халқаро футболдаги фаолиятимни якунлаш. Шунинг учун, бу мен учун ҳатто муҳокама қилинадиган масала ҳам эмас.

Мен у ерда жуда муваффақиятли ва ёқимли вақт ўтказдим ва Мануэль Нойернинг терма жамоага қайтиши ёки қайтмаслиги ҳақида мутлақо ўйламаяпман. Ўз юртимиздаги Европа чемпионати мен учун ажойиб якунлама бўлди.

Ўйлайманки, немис футболи менга кўп нарсани ўргатди, эҳтимол мен ҳам немис футболига ўз ҳиссамни қўшганман," - деди "Бавария" дарвозабони.

Маълумот учун, Нойер ўтган ёзда Германия терма жамоасидаги фаолиятини якунлаган эди. Миллий жамоанинг сўнгги ўйинларида Марк-Андре тер Стегеннинг жароҳати туфайли "Ҳоффенҳайм"дан Оливер Бауманн дарвозабон вазифасини бажармоқда.