Неймар ПСЖга Суаресни олиб келишга кўмаклашади
01 сен 2020 23:14
Янгиликлар

Неймар ПСЖга Суаресни олиб келишга кўмаклашади

Журналист Танкерди Палмери ўзининг Твиттердаги саҳифасида ёзишича, ПСЖ раҳбарияти “Барселона” ҳужумчиси Луис Суареснинг трансфери борасида ишга киришган.

Журналистнинг хабарига кўра, парижликлар 33 ёшли уругвайлик футболчи билан ушбу масалада алоқага чиқишган. Маълум бўлишича, ушбу жараёнда ПСЖ форварди Неймар ҳам фаол иштирок этмоқда. Париж клуби уругвайлик форварда йилига 20 миллион евро маош тўламовчи. Илгарироқ ҳужумчининг хизматларига “Ювентус” ҳам қизиқиш билдираётгани ҳақида хабарлар тарқатилганди.

Луис Суарес 2014 йилдан буён “Барселона” шарафини ҳимоя қилиб келмоқда. Якунига етган мавсумда футболчи жамоаси сафида барча турнирларда 36 та учрашувда майдонга тушиб, 21 та гол урди ва 10 та голли узатмани амалга оширди.

Ҳавола :

Янгиликларни Телеграмда ўқинг!

Рейтинг: +3