Неъматилло Қуттибоев: "Бизга катта футбол керак
15 апр 2024 21:20
Янгиликлар

Неъматилло Қуттибоев: "Бизга катта футбол керак

Теглар : Ўзбекистон Кубоги "Арал"Неъматилло Қуттибоев Хоразм

Ўзбекистон Кубоги гуруҳ босқичи 1-туридан ўрин олган "Хоразм" - "Арал" учрашувидан (0:2) сўнг, меҳмонлар устози Неъматилло Қуттибоев матбуот анжуманида иштирок этди.

Ўйин ҳақида

- "Хоразм"га қарши учрашувлар биз учун дерби ҳисобланади. Ўтган мавсум иккита баҳсда дуранг қайд этилди. Рақибнинг ўйинини чуқур ўргандик. Баҳс қизиқарли ўтди деб ўйайман. Биринчи голни уриб олганимиздан сўнг, қарши ҳужумда ўйнашга қарор қилдик.

Бугун ротация қилишга қарор қилдик. Саламат ва яна 6 нафар асосий таркиб вакили майдонга тушмади. Баъзи футболчиларимизда эса жароҳат бор.

- "Арал" ўз олдига қандай мақсад қўйган?

- Биз ҳар бир баҳсда ғалаба қозонишни хоҳлаймиз. Мухлисларимизни хурсанд кўришни истаймиз.

- Бизнинг футболдан нега янги Неъматилло Қуттибоевлар чиқмаяпти?

- Бизга катта футбол (Суперлига) керак. Масалан, "Хоразм" олий лигада ўйнаган кезлари Машарипов, Искандеров каби иқтидорлар порлаган. Бизда ҳам Суперлигада жамоа бўлиши керак. Бизнинг жамоаларда ҳам яхши йигитлар бор.