"Нефтчи"нинг сафардаги илк ғалабаси
16 сен 2018 10:37
Янгиликлар

"Нефтчи"нинг сафардаги илк ғалабаси

Теглар : Нефтчи

Суперлига 23-турида АГМК меҳмони бўлган "Нефтчи" 1:0 ҳисобида зафар қучди.

Натижада бу фарғоналикларнинг жорий мавсум ҳисобидан сафардаги илк ғалабаси бўлди. "Нефтчи" бунгача биринчи босқичда сафарда 11та ўйин ўтказиб, шундан 6 тасида дуранг ўйнаган ва беш бор мағлуб бўлганди. Тўплар нисбати эса 6-14 эди.

"Нефтчи" олтита дурангни "Сўғдиёна", "Навбаҳор", "Қўқон-1912", АГМК, "Бухоро" ва "Локомотив" билан ўйинларда қўлга киритган. Мана энди иккинчи босқичнинг дастлабки баҳсида Баҳром Ҳайдаров шогирдлари Олмалиқдан ғалаба билан қайтишди. Жамоа кейинги турни 22 сентябрь куни ўз майдонида "Насаф"га қарши ўтказади.

Эслатиб ўтамиз, "Нефтчи" бунгача ҳам сафарда охирги марта 2017 йилги чемпионатнинг 23-турида айнан "Олмалиқ"ни мағлуб этиб қайтганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +15