"Навбаҳор" раҳбариятида ўзгариш

Унда Наманган вилоят ҳокими, вилоят футбол ассоциацияси президенти Хайрулло Ҳайитбаевич Бозаров, Наманган шаҳар ҳокими, “Навбаҳор” ПФК президенти Шавкат Шокиржанович Абдураззоқов ҳам иштирок этишди. Йиғилишда “Навбаҳор” жамоасининг жорий мавсумдаги  иштироки муҳокама қилинди. Шунингдек, ташкилий масала ҳам кўрилди. Унга кўра, шу кунга қадар “Навбаҳор” ПФК директори лавозимида фаолият олиб борган Акмал Раҳмонов ўз лавозимидан озод этилди. Клуб раҳбарияти томонидан Акмал Раҳмоновга миннатдорчилик билдирилиб, кейинги фаолиятида омад ёр бўлиши таъкидланди.

Клуб директори лавозимига эса футболчилик фаолияти давомида “Навбаҳор”да тўп тепган, кейинчалик севимли жамоамизда турли лавозимларда, шунингдек, “Машъал” ҳамда “Бунёдкор” клубларида фаолият олиб борган, улкан тажрибага эга бўлган, “Навбаҳор”нинг 1996 йилги мавсумда чемпионлик унвонини қўлга киритишида муносиб ҳисса қўшган, ўтган мавсумда ҳам жамоада маълум муддат ишлаган Бахтиёр Бобоев тайинланди.