"Навбаҳор": “Сўғдиёна” билан кучлар тенг келди

Ўйиннинг биринчи бўлимида Бахтиёр Ёқубов ҳамда Абдумалик Абдуллаевларнинг голларидан сўнг “Навбаҳор” 2:0 ҳисобида олдинга чиқиб олганди. Танаффусдан кейин эса футболчиларимиз рақибни икки марта гол уришига тўсқинлик қила олишмади. Натижада баҳс 2:2 ҳисобидаги дуранг билан якунланди.

Учрашувда "Навбаҳор" таркиби қуйидагича кўринишга эга бўлди: Дониёр Усманов, Юрий Рижко, Тохир Шамситдинов, Бахтиёр Ёқубов, Қаҳрамон Маҳаммаджанов, Ислом Исмоилов, Раббим Ҳасанов, Элёр Жаҳонов, Собир Ҳамидов, Раҳматулло Бердимуродов, Абдумалик Абдуллаев.
Захирадан майдонга тушганлар: Илҳом Бойдедаев, Сохиб, Дурбек, Мухаммад Расулов, Аюбхон Гаппаров, Мачон, Искандар Алимбоев, Нодир Ашурматов.

Учрашув якунига етгач, футболчиларга қисқа муддатлик таътил эълон қилинди. Жамоа аъзолари қисқа вақт давомида ҳордиқ чиқаришгач яна Тошкентда тўпланишади.