"Навбаҳор" - "Машъал". Учрашувдан олдинги қизиқарли фактлар

Ўтган турда мусобақа жадвалининг пешқадами (“Динамо”)ни сафарда мағлуб этган “Навбаҳор” бугун “Машъал”ни ўз майдонида қабул қилади.

Ўзбекистон чемпионатининг ушбу мавсумида Муборакликлар “Динамо” билан бирга энг кам гол ўтказиб юборган (1 дона) клуб бўлиб туришибди. “Газчилар” дарвозасини Марат Бикмаев ишғол қилган холос.

Худди “Навбаҳор” каби “Машъал” таркибида ҳам Ўзбекистон чемпионатининг жорий мавсумида биттадан ортиқ гол урган ўйинчи ҳозирча йўқ.

Ҳозирча “Машъал” сафарда гол ўтказмаган. Бундай кўрсатгич билан шунингдек “Динамо” мақтана олади холос.

Муборакликлар ўтказилган 4 ўйиннинг учтасини ўз майдонида ўтказганини қўшимча қилиш лозим. Шу боис жамоа меҳмондаги ўйинларда 100 фоизли кўрсатгич қайд этмоқда.

“Навбаҳор” ҳар бир ўйинда гол уришни уддаламоқда. “Машъал” эса биринчи турда “Локомотив” дарвозасига йўл топа олмаган.

Кетма-кет 3 ўйиндан буён “Машъал” ўз дарвозаси дахлсизлигини сақлаб келмоқда. “Газчилар” дарвозабони Жавоҳир Илёсов 298 дақиқадан буён “қуруқ серия”ни намойиш этмоқда. Бу жорий мавсумда ҳозирча рекорд.

Ўтган турда майдондан четлатилган ярим ҳимоячимиз Ойбек Қиличев бугун жамоамизга ёрдам бера олмайди.

Бугунги учрашувни андижонлик Темурбек Тўхтасинов бошчилигидаги ҳакамлар бригадаси бошқариб боради.

Тўхтасинов Олий лиганинг амалдаги мавсумида бир ўйинда (2- тур, “Насаф” – “Бухоро” 2:1) ишлаган холос.

Бугун собиқ футболчиларимиз дарвозабон Ботир Носиров ва ўтган мавсумнинг биринчи ярмини "лочинлар" сафида ўтказган украиналик ярим ҳимоячи Владислав Павленко "Навбаҳор"га қарши майдонга тушиши мумкин.

Ярим ҳимоячимиз Мирзоҳид Ғофуров ва марказий ҳимоячимиз Ғиёс Комилов катта эхтимол билан собиқ жамоалари "Машъал"га қарши майдонга тушишади.