"Навбаҳор": Алиев ва Турғунбоев "дерби" ҳақида

"Ўйин анча оғир кечди. Ўз майдонимизда ўйнаганимиз боис фарғоналикларни таслим этишимиз шарт эди. Аммо, биринчи бўлим охирларида "Нефтчи" гол ургач рақиб ўз кучига ишониб юборди. Захирадан майдонга тушиб қўлимдан келганича ҳисобни тенглаштиришга ёрдам беришга ҳаракат қилдим. Олдинда бизни "Динамо"га қарши қийин учрашув кутиб турибди. Ушбу ўйинда фақат ғалабани кўзлаб майдонга тушамиз. Худо хоҳласа Самарқанддан уч очко билан ортга қайтмоқчимиз"-, деди Турғунбоев.

"Учрашувда ғалаба қозонишга ҳаракат қилдик. Мақсадимизга етишишга кўп имкониятлар бўлди. Бироқ улардан унумли фойдалана олмадик. Айнан шу жихат "Нефтчи" билан ўйинда очко йўқотилишига сабаб бўлди дейишим мумкин. "Нефтчи" ҳам мавсумга яхши таркиб шакллантирибди. Навбатдаги беллашувларда ғалаба қозониб, мухлисларимизни хурсанд қилишга астойдил ҳаракат қиламиз", - деди Алиев.