Азиз Ибрагимов ва Аъзам Алиев "Турон"да
22 янв 2022 12:40
Янгиликлар

Азиз Ибрагимов ва Аъзам Алиев "Турон"да

Ўтган мавсум ПРО-Лигада "Нефтчи"нинг ғолиб бўлишига катта ҳисса қўшган Аъзам Алиев айни дамда бошқа жамоа кўригида бўлиб турибди.

Илҳом Мўминжоновнинг ишонган шогирдларидан бири бўлиб келаётган 30 ёшли футболчи негадир фарғоналиклар сафида олиб қолинмади. Шу боис марказий ярим ҳимоячи катта эҳтимол билан бу йилги мавсумни ҳам яна ПРО-Лигада ўтказади. Айни дамда Алиев яйпанликлар йиғинига бориб қўшилган. Агарда томонлар келишувга эришса, Аъзам жорий мавсум "Турон"да ўйнайди.

Шунингдек "Турон" мураббийлари таркибни кучайтириш мақсадида тажрибали ҳужумчи Азиз Ибрагимовни ҳам таклиф қилган.