"Насаф"нинг ОЧЛдаги рақиби 14-турда мағлуб бўлди

“Насаф”нинг ОЧЛ-2014 плей офф учрашувидаги рақиби “Ал-Жайиш” жамоаси ўз майдонида “Ал-Араби” жамоасини қабул қилди. Учрашувда 1:2 ҳисобида "Ал-Жайиш" мағлубиятга учради.

Учрашувнинг 36-дақиқасида ўйиндаги ҳисоб меҳмонлар томонидан очилди, голга “Ал-Араби” жамоаси вакили Вандерлей муаллифлик қилди. Ушбу ҳисоб узоқ сақланиб қолмади орадан 5 дақиқа ўтиб, “Ал-Жайиш” жамоасининг бразилиялик леионери Вагнер Рибейро томонидан ҳисоб тенглаштирилди. Учрашув биринчи бўлими ана шу ҳисобда якунига етди.

Учрашувнинг сўнгги 90-дақиқасида “Ал-Араби” жамоаси вакили Вандерлей дублга эришди, у “Ал-Жайиш” ва Қатар миллий терма жамоаси дарвозабони Сауд Ал-Хотир қўриқлаётган дарвозага ўзининг учрашувдаги иккинчи голини киритиб, жамоасини ҳисобда олдинга олиб чиқди ва ғалабасини таъминлади.

Шундай қилиб, “Ал-Жайиш” жамоаси ҚЮЛнинг 14-турида ҳам мағлубиятга учради. Турнир жадвалини бошқариб бораётган “Ал-Садд” жамоаси сафарда “Ал-Райян” жамоаси билан дуранг натижа, 2:2 ҳисобини қайд этди.

10.01.2014. ҚЮЛ, 14-тур.

“Ал-Жайиш” – “Ал-Араби” 1:2 (1:1)

Голлар: Вандерлей, 32-0:1, 90-1:2;  Вагнер Рибейро, 37-1:1;

“Ал-Жайиш”: Сауд Ал-Хотир, Мухаммад Матнани (Тунис), Рами Фаёз (Иордания),  Андерсон Мартинс (Бразилия), Калу Уче (Нигерия),  Мурод Нажий,  Мажид Мухаммад, Жирес Кембо (Франция), Сеул Ки Го (Жанубий Корея), Мухаммад Жедо,  Вагнер Рибейро (Бразилия).

Заҳирадан 2-бўлимда майдонга тушганлар: Юсуф Муфтаҳ (Мурод Нажий ўрнига), Мухаммад Жедо (Мажид Мухаммад ўрнига), Ал Санад (Жирес Кембо ўрнига).