UZ

Сўнгги янгиликлар

“Насаф” ёш иқтидорларни кашф этишда давом этади Янгиликлар

“Насаф” ёш иқтидорларни кашф этишда давом этади

Суперлиганинг 4-тури доирасида Қаршининг “Насаф” жамоаси ўз майдонида “Навбаҳор” билан (2:2) куч синашди.

Мазкур беллашувдаги жанговар дурангдан кейин қаршиликлар очколари сонини 10 тага етказиб, турнир жадвалида якка пешқадамга айланишди.

Эътиборли томони мазкур беллашувда “Насаф” таркибида клуб академияси тарбияланувчиси ҳисобланган икки нафар футболчи Суперлигада дебют учрашувини ўтказишди.

16 ёшли Муроджон Хўжамбердиев 74-дақиқада Жўрабек Манноновни ўрнига майдонга тушган бўлса, 18 ёшли Хусайн Норчаев 85-дақиқада Ойбек Бозоровни алмаштирди.

Бу икки футболчи Суперлига баҳсларида илк марта “Насаф” устози томонидан майдонга туширилди. Таъкидлаш жоизки, шу пайтгача Суперлигада тўп тепган энг ёш футболчи “Бунёдкор” аъзоси Жасур Жалолиддинов (2002) эди. Энди бу ном Мурод Хўжамбердиевга тегишлидир.

Маълумот учун Муроджон ХЎЖАМБЕРДИЕВ – 2004 йилда Қамаши туманида туғилган. 2012 йилда “Насаф” футбол академиясига қабул қилинган. Биринчи мураббийи Элдор Мойлиев. Жорий мавсумдан ўринбосарлар сафида ва асосий таркибга мунтазам жалб этилмоқда.

Ҳусайн НОРЧАЕВ – 2002 йилда Яккабоғ туманида таваллуд топган. Биринчи мураббийи – Дадажон Тоғаев. “Насаф” футбол мактабига 2012 йилда қабул қилинган. 


Азиз НУРИЙ.

Рейтинг: +46   

Фикрлар

championat.asia
< сўнгги янгиликларни кўриш
Яндекс.Метрика