⚡️"Насаф" Италия А Сериясида ўйнаган бразилиялик футболчи билан шартнома тузади

Championat.asia сайти маълумотига кўра, 28 ёшли бразилиялик ҳужумкор ярим ҳимоячи ва қанот вингери Виктор Да Сильва тез орада "Насаф" клуби билан шартнома тузади. 

1995 йилда туғилган ҳужумчи фаолияти давомида Италиянинг "Кьево", "Пескара", "Брешиа", "Терамо", "Перуджа", "Фермана", "Виртус Верона" кўплаб клубларида тўп тепган. 2013 йилда "Кьево" сафида Италия А серияси ва Италия Кубогида ўйнаган. Виктор Хорватиянинг "Истра 1961", Албаниянинг "Влазния", Кипрнинг "Олимпиакос" каби клубларда ҳам тўп тепган. Унинг сўнгги жамоаси Албаниянинг "Партизани" бўлди.

Виктор Да Сильва профессионал фаолияти давомида 277та ўйинда 72та гол урган ва 23та голли узатмани амалга оширган. Transfermarkt порталига кўра, футболчининг нархи 350 минг еврога баҳоланмоқда.