"Наполи" Осимхеннинг нархини оширди
11 май 2023 10:38
Янгиликлар
Виктор Осимхен Европанинг энг талабгир ҳужумчиларидан бирига айланди.
"Il Mattino"нинг хабар беришича, "Наполи" нигериялик футболчининг нархини оширган.
Осимхен кўп йиллардан сўнг "Наполи"га Италия чемпионати чемпионлигини қайтаришда муҳим роль ўйнади. Нигериялик футболчи жорий мавсум А Серияда 23 та гол урди.
Сўнгги ҳафталарда 24 ёшли ҳужумчига ПСЖ, "Бавария" ёки "Манчестер Юнайтед" томонидан қизиқишлар бўлди.
"Il Mattino" нашрининг қўшимча қилишича, футболчи сешанба куни Парижга бориб келган. Ушбу саёҳат тафсилотлари номаълум, аммо у ўз агенти Роберто Календа билан бирга бўлган.
"Наполи" президенти Аурелио Де Лаурентис ўз футболчиси атрофидаги вазиятни кузатмоқда. "Наполи" хўжайини ҳатто нигериялик футболчининг нархини 160 миллион еврога кўтарди. Клублар ўртасидаги кураш туфайли бу миқдорни ошириш мумкинлигига умид қилинмоқда.
Осимхеннинг "Наполи" билан битими 2025 йилнинг ўрталарига қадар тузилган. Клуб унга шартномани узайтириш ва маошини ошириш таклифини бермоқчи.
Ўхшаш янгиликлар
championat.asia
Ҳакам томонидан қўшиб берилган дақиқаларда Черан томонидан киритилган гол "Насаф"га ғалаба тақдим этди
Суперлига. "Бухоро" "Навбаҳор" дарвозасига жавобсиз 5 та тўп киритди
Суперлига. "Нефтчи" марказий тўқнашувда "Динамо"дан устун келди ва пешқадам "Насаф"га анча яқинлашди
Тимур Кападзе Хитой мураббийи бўлиши ҳақидаги саволга аниқ жавоб берди
Фикрлар