МЮ мухлиси танаффус вақтида қизил рангли либосини мовийга ўзгартирди
03 окт 2022 19:47
Янгиликлар

МЮ мухлиси танаффус вақтида қизил рангли либосини мовийга ўзгартирди

Теглар : Манчестер Юнайтед Манчестер Сити

"Манчестер Юнайтед" ишқибози "Манчестер Сити"га қарши дербининг танаффус вақтида либосини алмаштирди.

“Қизил иблислар” тарафдори “Этиҳад” стадионида ўйин бошланишидан олдин “Юнайтед” либосини кийган ҳолда суратга тушди. Аммо "Сити" биринчи бўлимда 4:0 ҳисобида устун келганидан сўнг, у мовий рангли кийим кийди.

Икки сурат ижтимоий тармоқларда тарқалди. "Юнайтед" мухлисларидан бири Тwиттер саҳифасида "Бу жуда кулгили, бироқ хавотир олманг, биз иккинчи бўлимда 3:2 ҳисобида ғалаба қозондик", дея изоҳ қолдирган.

Эслатиб ўтамиз, Манчестер дербиси 6:3 ҳисобида "Сити" фойдасига ҳал бўлди.

Ҳавола :

Манба : Daily Mail

Янгиликларни Телеграмда ўқинг!

Рейтинг: +7