Мутахассис фикри — "ОКМКдаги муаммо "Бунёдкор"да ҳам бор, Бошкович Тошкентда яна ғалаба билан қайтадими?"
06 авг 2023 14:25
Янгиликлар
![](https://championat.asia/upload/storage/759387_original.jpg)
![](/upload/storage/759387_220.jpg)
Мутахассис фикри — "ОКМКдаги муаммо "Бунёдкор"да ҳам бор, Бошкович Тошкентда яна ғалаба билан қайтадими?"
Кечаги кутилмаган натижалардан сўнг бугунги баҳсларга ҳам қизиқиш ортиши табиий. Зеро жамоалар ҳар бир ўйинда майдонда кураш, шиддат кечмоқда. Интрига бир зум бўлсада тўхтамаяпти. Мазкур учрашувлар олдидан 15-тур эксперти Абдумажит Тоировнинг таҳлил ва тахминларини эътиборингизга ҳавола қиламиз.
Бунёдкор Суҳроб Иззатов - 90' |
Суперлига. 15-тур 06/08/2023, 20:00 1
:
1
Тугади
|
ОКМК Сияваш Ҳақназарий - 62' |
— "Бунёдкор" - ОКМК жуда ҳам қизиқ ўйин бўлади. Чунки икки жамоа ҳам футбол тарафлама чиройли ўйин намойиш этади. Олмалиқ клуби ўтган турда "Сурхон"га мағлубиятга учрагани, марказий ҳимояда муаммолар борлигини кўрсатиб берди. Шундай муаммолар "Бунёдкор"да ҳам бор. "Сўғдиёна" айнан марказий ҳимоячиларнинг хатосидан сўнг гол урди. Ўйин темпи юқори бўлишини кутяпман. Бу ерда кичик устунликни ОКМКга бераман. Чунки бундай ўйинда футболчиларнинг маҳорати асосий планга чиқади. Улар ўйинни ҳал қилади. Ўйлашимча, ОКМК бугун ғалаба қозонади. Умуман олганда очиқ ўйин кўрамиз.
Олимпик Темур Мамасидиқов - 23', Жасур Жалолиддинов - 29', Асадбек Жўрабоев - 90' |
Суперлига. 15-тур 06/08/2023, 20:00 3
:
3
Тугади
|
Сўғдиёна Жавоҳир Қаҳрамонов - 8', Дзенан Займович - 45', Самандар Мавлонқулов - 90' |
— Менимча, бу ерда устунлик "Сўғдиёна" томонида бўлади. "Олимпик"нинг кубокдаги учрашувини ҳисобга олмайман. Чунки рақиб жуда бўш жамоа эди. Суперлигадаги охирги ўйинини таҳлил қиладиган бўлсак, тартибли, позицион ҳужум қиладиган, тўпни назорат қиладиган жамоаларга қарши яхши ўйин кўрсата олмайди. Чунки таркиби ёш. Ҳимояда кўп хатоларга йўл қўйишмоқда. Тўғри ҳужуми яхши. Мамасидиқов, Одилов, Жўрақўзиев бор. "Сўғдиёна" бу ўйинда ғалабага эришади, деб ўйлайман. Иван Бошкович сафарда қандай ҳаракат қилиш кераклигини "Бунёдкор" билан ўйинда кўрсатиб қўйди. Интизомли ҳимоя ва тезкор қарши ҳужумлар асосий қурол бўлиб хизмат қиляпти.
Ўхшаш янгиликлар
![AMP Logo](https://championat.asia/image/logo-amp.png)
Фикрлар