Мурод Отажонов: "Ҳужумдаги муаммо? Бу нафақат бизда, балки бутун Ўзбекистонда муаммо"

- Авваламбор барчани байрам билан табриклайман. Табригимиз ўхшамай қолди. Ўйинга тўхталадиган бўлсак, қийин баҳс бўлди. Менимча, "Насаф" билан учрашувдан сўнг йигитлар эмоционал томонлама сустлашиб қолишганди. Рақибни ғалаба билан табриклайман, "Сурхон" таркибида ёш йигитлар кўп экан ва уларга омад тилайман.

- "Бунёдкор" жамоаси икки учрашувдан буён майдонда бир киши кам бўлиб қолган рақибга қарши ўйнаб, ғалаба қозона олмаяпти. Бунга сабаб нима?

- Сабаби оддий, гол урсанг ютасан. Бизда вазиятлар бўлди лекин улардан унумли фойдалана олмадик, агар гол урганимизда, саволингизга бемалол жавоб берган бўлар эдим.

- "Бунёдкор"да ҳужум чизиғи бироз оқсаётгандек кўринади. Ўйинларда "Бунёдкор" сафида гол урадиган яққол ҳужумчи етишмаётгандек?!

- Ушбу мавсум бутун чемпионатимизда ҳужумчилар бўйича муаммо бор. Кўпгина жамоалар 2-3та гол уриб ўйнашмоқда. Бу нафақат бизда, балки бутун Ўзбекистонда ҳужумчилар билан боғлиқ муаммо бор.

- Абдуманнопов ўзининг юқори жисмоний ҳолатини йўқотгандек. Нега у бугун у захирада қолдирилди?

- Абдуманноповда кичик жароҳат бор эди. Эндигина ўзига кела бошлади ва бугун асосий таркибда бўлиши керак эди, лекин шифокорлар унга бугун дам бериш кераклигини айтишди. Кейинги баҳсларга у тайёр бўлади.