Мурод Исмоилов: “Бу йилги чемпионат анча қизиқарли ўтмоқда”

“Бугунги ўйин жуда қийин бўлди. Биз “Машъал” жамоасини аввалги турлардаги ўйинлари туширилган диск ёрдамида ўрганишга ҳаракат қилдик. “Машъал” жамоаси яхши шаклланган жамоа. Улар бугун бизга етарлича қаршилик кўрсатишга ҳаракат қилишди. Янги ўйингоҳга ташриф буюрган мухлисларимиз ҳам бизга далда бўлдилар деб айтишим мумкин. Биз “Машъал” жамоасидаги ҳар бир футболчини "ёпиш"га муваффақ бўлдик. Зафар Тўраев аввалги 4та турда ажойиб ўйин намойиш этганди. Бугун у яхши ўйин кўрсата олмади. Бу йилги чемпионат аввалгиларига қараганда анча қизиқарли бўлиб ўтмоқда. Бундан кейин ҳам шундай савияли ўйинлар сони кўпайишини истардим”, - дейди Исмоилов.

Комилжон Икромов ёзиб олди