Муҳсин Низомиддинов: "Қўл остимдаги футболчилардан кўнглим тўқ"
11 июн 2023 11:51
Янгиликлар

Муҳсин Низомиддинов: "Қўл остимдаги футболчилардан кўнглим тўқ"

Теглар : Муҳсин Низомиддинов "Қўқон-1912""Ғиждувон"

Про-лига 11-туридан ўрин олган "Қўқон-1912" - "Ғиждувон" (5:2) учрашувидан сўнг мезбонлар бош мураббийи Муҳсин Низомиддинов матбуот анжуманида иштирок этди.

Ўйин ҳақида

- Яхши ўйин бўлди. Ғалаба билан жамоамиз аъзолари ва мухлисларини табриклайман. Бугун айни мухлисларга ёқадиган томошабоп ўйин бўлди.

- Иккинчи давра олдидан жамоани кучайтириш режаси борми?

- Қўл остимдаги футболчилардан кўнглим тўқ. Бизни олдинда "Арал" билан ўйин кутиб турибди. Ҳозир эътиборни шунга қаратамиз. Шундан кейин бу ҳақида ўйлаб кўришга фурсат бўлади.

- Бобур Қосимовнинг эрта захирага олинишига изох берсангиз...

- Бу тактик алмашинув бўлди. Гол ўтказиб юбордик, ҳужумни кучайтириш мақсадида Қосимовни алмаштирдик. Бобур анча муддат давом этган жароҳатдан сўнг майдонга қайтганди. Тажрибали футболчи, "Сурхон" билан ўйинда ҳам уни майдонга туширдим. Мураббийлар штаби кўрсатмаларини бажариб бераяпти.

- "Арал" билан ўйин сунъий майдонда бўлиб ўтади. Жамоа бунга тайёрми?

- Ҳар бир ўйинда ўз олдимизга қўйилган мақсадни амалга оширишга ҳаракат қиламиз. Клублар мавжуд шароитдан келиб чиқиб майдонни тайёрлаяпти. Сунъий майдонда ҳам яхши натижа қайд этишга ҳаракат қиламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: