Моуриньо: "Неймарнинг трансферидан сўнг Лукакунинг нархи 150 млн. фунт бўларди"
06 сен 2017 12:24
Янгиликлар

Моуриньо: "Неймарнинг трансферидан сўнг Лукакунинг нархи 150 млн. фунт бўларди"

"Манчестер Юнайтед" бош мураббийи Жозе Моуриньонинг фикрича, агар манкунианлар Неймар "Барселона"дан ПСЖга ўтганидан сўнг "Эвертон" билан Ромелу Лукаку борасида музокара олиб борганида, бельгияликнинг нархи 150 млн. фунт бўларди.

МЮ Лукакуни 75 млн. фунт эвазига сотиб олди.

"Биз ақлли иш қилдик деб ўйлайман. Трансфер оламини бир умрга ўзгартириб юбориши мумкин бўлган ўзгаришлар амалга ошишини тушунгандик. Неймар трансферидан сўнг ҳаммаси ўзгарди. Нархлар салбий тарафга ўзгарди.

31 август куни Лукакунинг нархи 150 млн. фунт бўларди. Матич эса 60-70 млн. фунт. турарди. Агар рекорд аввалгидек Погбага (105 млн. евро) тегишли бўлганида, "Ливерпуль" Коутиньони 101 млн. фунтга сотиб юборарди" - дейди Моуриньо.

Ҳавола :

Манба : The Times

Янгиликларни Телеграмда ўқинг!

Рейтинг: +7