Миср ТЖ собиқ устози: “Салоҳ терма учун ҳеч нарса қилмади”

“Техник жиҳатдан буни айтиш оғир, Муҳаммад Салоҳ терма учун ҳеч нарса қилмади. У кўпроғини амалга оширишга қодир эди. У ватани учун ўйнаётганда кўпроқ ўзини бағишлаши керак. У бу ердаги амалдорларга таъсир ўтказа олиши керак эди, гарчи у ким ўйнашини ҳал қилмаса-да, аммо термадаги футболчилар Англиядагидек эмаслигини тушунтира олиши керак эди. Шу туфайли мураббийлар Салоҳга эркинлик яратиш йўлини топишлари лозим. Майдонда унга ёрдам бера оладиган футболчиларни топишимиз керак”, дейди Шехата.

Эслатиб ўтамиз, Миср термаси ЖЧ-2022 саралашида муваффақиятсизликка учради ва Африка кубоги финалида ҳам мағлуб бўлди. Шехата қаторасига уч бор (2006, 2008, 2010) қитъа биринчилигини олиб келганидан кейин термадан кетган.