"Милан" "Монако" ярим ҳимоячиси бўйича таклиф билан чиқди

"Россонери" 12 млн евро ва бонуслар таклиф этди. "Монако" футболчи учун 18 млн евро сўрамоқда.

Музокаралар давом этмоқда. "Милан" раҳбарияти футболчи билан шартнома имзолашига умид қилмоқда.

Фофана 2020 йилнинг январидан бери "Монако"да ўйнамоқда. Унинг шартномаси 2025 йилнинг июнида якунига етади. 

25 ёшли марказий ярим ҳимоячи ўтган мавсум Лига 1 ва Франция Кубогида 35 та ўйин ўтказиб, 4 та гол урди ва 4 та голли узатмани амалга оширди. Евро-2024 да ҳам 3 та ўйин ўтказди. 

Transfermarkt портали франциялик футболчини 30 млн еврога баҳоламоқда.