"Металлург" ҳам бугундан бошлади таркибда ўзгаришлар бор

Жамоа аъзолари бугун Чирчиқда тўпланиб машғулотларга киришилди. Ёрдамчи мураббий Абдуқаҳҳор Маъруфалиевнинг "СА"га хабар беришича машғулотлар икки маҳалдан ўтказилмоқда. Режага кўра жамоа январь ойида Чирчиқда бўлади. Бу йиғин давомида 2-3 та синов-назорат учрашувлари ўтказилиши ҳам кўзда тутилган. Рақиб жамоаларнинг номлари ҳозирча аниқ эмас.

Таркибга икки нафар янги футболчи келиб қўшилган. Булар "Сўғдиёна"дан Мурод Тошматов ва "Шўртан"дан Юсуф Бўриевдир. Ҳозирча улар синовдан ўтказилмоқда.

Жамоани Умид Тожимов билан Жасур Бобоев (фотода) тарк этган.