Месси ПСЖ билан шартномасини узайтиришга қарши эмас

Лионель Месси ПСЖ билан келишувини узайтириши мумкин.

Аргентиналик футболчи Париж клуби билан шартномани узайтиришга қарши эмас. Лео ўтган мавсум билан солиштирганда анча бахтлироқ, деб хабар берди Адриен Гренье.

Футболчига яқин кишиларнинг айтишича, Мессига ҳозирча на ПСЖ, на бошқа клублардан таклифлар келиб тушган.

35 ёшли футболчининг парижликлар билан амалдаги битими жорий мавсум охиригача мўлжалланган.

Месси жорий мавсум Лига 1 да 9 та учрашувда 5 та гол урди ва 7 та голли узатмани амалга оширди.