Майкл Оуэн: "Арсенал" тўртталикка кира олмайди"
04 окт 2017 14:08
Янгиликлар

Майкл Оуэн: "Арсенал" тўртталикка кира олмайди"

"Ливерпуль" ва "Манчестер Юнайтед"нинг собиқ ҳужумчиси Майкл Оуэн жорий мавсум якунида "Арсенал" топ-4дан жой ололмаслигини айтиб ўтди.

"Канонирлар" 7-турдан кейин турнир жадвалида бешинчи поғонани банд этиб туришибди.

"Улар лигадаги кучсиз жамоаларни ютишга ўрганишган. Улар "Брайтон"ни ҳам ишончли тарзда мағлуб этишди. Уларнинг ўйинга қараб "Манчестер Сити", "Манчестер Юнайтед" ёки "Ливерпуль"даги маҳоартни кўрмаяпман. Улар мавсумни кучли тўртталикда тугатишади деб ўйламайман. Бунинг учун улар керакли даражада яхши эмаслар. Бешинчи, олтинчи, еттинчи - бу уларнинг ўрни", - деди Оуэн.

Эслатиб ўтамиз, "Арсенал" 2016/17 йилги мавсумни бешинчи ўринда якунлаган эди.