Бекзод Толибов блоги: Матбуот котиби клуб сирини ошкор қиладиган одам эмас

Ўйин 90 дақиқада ўтиб кетади, лекин матбуот хизмати томонидан ёзилган постлар, суратлар ва видеолар тарих саҳифаларида қолади. Ўйин вақтида мухлислар матбуотни кузатиши мумкин, ўйиндан сўнг футболчиларнинг ўзи ҳам матбуот хизматининг ишига бир кўз югуртириб қўяди. Қисқача айтганда, матбуот бу ўйиннинг атмосферасини ёритиб беради, яхши матбуот унчалик ёрқин бўлмаган клубни ҳам тренд даражага олиб чиқа олади. Лекин...

Лекин... айрим клублар матбуот хизматидан қўрқади, уларни овози чиқишини истамайди. Гўёки матбуот клубнинг сирини ошкор қилиши мумкин. Баъзида ҳаддан ошиб кетилса, жамоа тактикасини рақибга ошкор қилишда ҳам матбуот хизмати айбланиши мумкин.

Бўлиши мумкинми? Мумкин албатта. Бироқ аксинча бўлиши ҳам мумкин. Шундай клублар борки, матбуот хизматини жуда қадрлайди. Эътибор қаратади, қўллаб-қувватлайди, зарур технологиялар билан таъминлайди.

Хуллас, беш қўл баробар эмас. Ҳамманинг ҳам дунёқараши бир хил бўлавермайди.

Шу соҳанинг вакили сифатида матбуот хизматини қадрлаётган клубларга ўз миннатдорчилигимни билдираман!

Бекзод Толибов

championat.asia сайтининг Фарғонадаги мухбири