Афғонистон терма жамоаси Россияга ўртоқлик ўйини ўтказиш таклифини берди
08 июл 15:54
Янгиликлар

Афғонистон терма жамоаси Россияга ўртоқлик ўйини ўтказиш таклифини берди

Афғонистон футбол федерацияси матбуот котиби Мустафо Ҳошими Россия терма жамоаси билан эҳтимолий ўртоқлик ўйини бўйича музокаралар олиб борилаётганини тасдиқлади.

"Бу йил Россия терма жамоаси билан ўйин бўлиши мумкин. Бу масала ФФА президенти кун тартибида бор. Биз Россия билан ўйнашни истаймиз. Сентябрь ойига CAFA турнири белгиланган, шунинг учун ноябрь ойнаси – энг мос вақт. Бу ўйин ташкил этилса, жуда хурсанд бўлардик", – деди Ҳошими.

2022 йилнинг февраль ойидан бошлаб Россия жамоалари ФИФА ва УEФА расмий турнирларидан четлаштирилган. ФИФА рейтингида Афғонистон 154-ўринда, Россия эса 39-ўринда.

Маълумот ўрнида, Афғонистон 29 августдан 8 сентябргача CAFA мусобақасида иштирок этади. Терма жамоа Тожикистон, Эрон ва Малайзия билан бир гуруҳдан жой олган.

Ҳавола :

Манба : Sport24.ru

Янгиликларни Телеграмда ўқинг!

Рейтинг: +1