Мата Саудия Арабистони клубини рад этди
17 июн 2022 21:27
Янгиликлар

Мата Саудия Арабистони клубини рад этди

Испаниялик ярим ҳимоячи Хуан Мата Саудия Арабистони клубидан бош тортди.

“Ал Ҳилол” футболчи учун йилига 10 миллион евро маошлик шартнома таклиф қилди. Бироқ 34 ёшли испаниялик футболчи фаолиятини Европада давом эттирмоқчи бўлгани сабабли ушбу таклифни қабул қилмади.

Аввалроқ "Манчестер Юнайтед" Матанинг июнь ойи охирида тугайдиган шартномаси узайтирилмаслигини маълум қилганди. Хуан саккиз ярим йиллик фаолиятдан сўнг "Олд Траффорд"ни тарк этади.

Матанинг шартномасида дастлаб Хуан келажакда "қизил иблислар" элчиси бўлиши мумкинлиги кўрсатилганди. Бироқ клуб испаниялик футболчига янада масъулиятлироқ роль таклиф қилишга тайёр эди ҳамда Матани техник директор лавозимига номзод сифатида кўриб чиқди, бироқ Хуан футболчилик фаолиятини давом эттириш қарорига келди.

Ҳавола :

Манба : Goal

Янгиликларни Телеграмда ўқинг!

Рейтинг: +2