Маскерано: "Аргентина ғалаба қозона олмаганида мен айбдорман"

Tolibjon Qosimov

7 окт 2016, 11:18

Аргентина терма жамоаси ҳимоячиси Хавьер Маскерано Перу билан ўйиндаги натижа учун (2:2) ўзини айбдор ҳисоблаяпти.

Иккинчи бўлимда Аргентина 2:1 ҳисобида олдинда бораётган бир вақтда Маскерано хатога йўл қўйди ва перуликлар ҳисобни тенглаштиришди.

"Менинг хатоларим эвазига Аргентина терма жамоаси ғалабадан қуруқ қолди. Хатойимдан ғазабландим ва хафа бўлдим," - дейди Маскерано "TyC Sports"га берган интервьюсида.

Эслатиб ўтамиз, айни пайтда Аргентина терма жамоаси гуруҳда 16 очко билан бешинчи ўринни эгаллаб турибди.