Maskerano: "Argentina g'alaba qozona olmaganida men aybdorman"

Tolibjon Qosimov

7 okt 2016, 11:18

Argentina terma jamoasi himoyachisi Xaver Maskerano Peru bilan o'yindagi natija uchun (2:2) o'zini aybdor hisoblayapti.

Ikkinchi bo'limda Argentina 2:1 hisobida oldinda borayotgan bir vaqtda Maskerano xatoga yo'l qo'ydi va peruliklar hisobni tenglashtirishdi.

"Mening xatolarim evaziga Argentina terma jamoasi g'alabadan quruq qoldi. Xatoyimdan g'azablandim va xafa bo'ldim," - deydi Maskerano "TyC Sports"ga bergan intervyusida.

Eslatib o'tamiz, ayni paytda Argentina terma jamoasi guruhda 16 ochko bilan beshinchi o'rinni egallab turibdi.