Манчини: “Балотелли “уйқу”дан уйғониб, ўзининг бор иқтидорини намойиш этишига умид қиламан”

55 ёшли мураббийи футболчи билан “Интер” ва “Манчестер Сити” жамоаларида бирга ишлашган.

“У қандай ишларни қилишидан қатъий назар мен унинг учун қайғураман. У ҳали ёш болакай вақтидаёқ Мариони шуғуллантирганман. Балотелли 30 га қадам қўйди ва умид қиламанки барча салбий жиҳатларида қутулиб, ўзининг иқтидорини бор бўй басти билан намойиш эта олади.

Умид қиламанки, у вақти келиб ҳаммасини тушунади ва “уйқу”дан уйғонади. Марио ноодатий футболчи, меҳрибон ва ғамхўр. Мен унга бир неча бор табиат берган иқтидорини намойиш этиши кераклигини тушунтирганман, чунки унда ҳақиқатан ҳам футболчи учун керакли кўплаб ҳислатлар бор”, дея мураббийнинг сўзларидан иқтибос келтирмоқда Football Italia.

Илгарироқ Балотелли унинг айни пайтдаги клуби “Брешиа” футболчига хат жўнатиб, амалдаги шартномани бир томонлама бекор қилганлиги ҳақида хабар берган. Бунга Марионинг жисмоний тестлардан ўтишни истамаганлиги сабаб сифатида кўрсатилган. Марионинг ўзи эса машғулотларга касаллиги боис иштирок этмаганлигини айтиб, бу ҳақдаги шифокор маълумотномасини клуб офисига жўнатган.

Италиялик футболчи 2019 йилдан буён “Брешиа” сафида ҳаракат қилиб келмоқда. У жорий мавсумда А серияда 19 та учрашувда майдонга тушиб, 5 та гол уришга эришган.