"Манчестер Юнайтед" грузиялик дарвозабонга қизиқиш билдирмоқда

"Манчестер Юнайтед" "Валенсия" дарвозабони Георгий Мамардашвилининг агенти билан музокаралар ўтказди. Бу ҳақда "90 min" хабар бермоқда.

22 ёшли посбон "Валенсия"нинг асосий ўйинчиси ҳисобланади. "Қизил иблислар" "Тоттенхэм" ва "Челси" рақобатига дуч келиши мумкин.

Мамардашвилининг "Валенсия" билан шартномаси 2027 йилнинг 30 июнига қадар амал қилади. Transfermarkt портали 22 ёшли грузиялик футболчини 25 миллион еврога баҳоламоқда.

Мамардашвили жорий мавсум "Валенсия" таркибида барча мусобақаларда 32 та ўйин ўтказиб, 38 та гол ўтказиб юборди ва 7 та ўйинда дарвозани "қуруқ" сақлади.