"Манчестер Юнайтед" Де Хеа ўрнига номзод топди, унга йилига 18 млн евро тўламоқчи

"Манчестер Юнайтед" бош мураббийи Эрик тен Хаг испаниялик футболчига узоқ муддат имкон беришига ишончи комил эмас. "Қизил иблислар" Де Хеага янги шартнома таклиф қилиш ниятида эмас. Шу билан бирга, амалдаги шартнома муддати келаси ёзда тугайди.

Манбанинг хабарига кўра, "Манчестер Юнайтед" "Атлетико"да юқори даражадаги ўйин намойиш этаётган 29 ёшли Ян Облакга кўз тиккан. Манкунианликлар словениялик посбонни текинга қўлга киритмоқчи, сабаби ёзда у эркин агентга айланади. “Иблислар” Облак учун йилига 18 миллион евро маош эвазига шартнома таклиф қилмоқчи.