"Манчестер Юнайтед" Англия лига кубогида ғолиб чиқса, уни ўз шаҳрида нишонламайди
24 фев 2023 21:24
Янгиликлар

"Манчестер Юнайтед" Англия лига кубогида ғолиб чиқса, уни ўз шаҳрида нишонламайди

"Манчестер Юнайтед" бош мураббийи Эрик тен Хаг Лига кубогида ғалаба қозонган тақдирда кубок парадини ўтказмасликка қарор қилди.

“Қизил иблислар” якшанба куни “Уэмбли”да “Ньюкасл”га қарши тўқнаш келади ҳамда олти йил ичида ўзларининг биринчи трофиларини қўлга киритиш имкониятига эга бўлади. Аммо клуб ғалаба қозонса ҳам, Манчестер шаҳрида байрам ўтказиш режаси йўқ.

Манбанинг хабарига кўра, тен Хаг келгуси ҳафта парад ўтказиш ҳақидаги ҳар қандай таклифни рад этган. Айтишларича, мавсум охирида "Юнайтед" икки ёки ундан ортиқ совринни қўлга киритган тақдирда тантана уюштириши мумкин.

"Қизил иблислар" кеча "Олд Траффорд"да "Барселона" устидан ғалаба қозонди ва Европа лигасининг нимчорак финалига йўл олди. Ушбу босқичда инглизлар "Бетис" билан тўқнаш келишади.

Эслатиб ўтамиз, "Манчестер Юнайтед" сўнгги бор 2013 йил парад нишонлаган, ўшанда клуб сер Алекс Фергюсон қўл остида АПЛ чемпионлигини қўлга киритганди.

Ҳавола :

Манба : Daily Mail

Янгиликларни Телеграмда ўқинг!

Рейтинг: +8